Сарысу ауданында ұстаздар ұлықталды. Салтанатты жиынға Сарысу ауданының әкімі Марат Сұлтанғалиев қатысты , — деп хабарлайды «ZhambylNews» Ақпараттық Агенттігі.
Аудан әкімі елдің болашағы үшін мұғалім мамандығының қаншалықты маңызды рөл атқаратындығын тілге тиек етті.
— «Бүгін біздің еліміз үшін айрықша мереке, ерекше мейрам. Өйткені балаларымыздың, жарқын болашағымыздың, бір сөзбен айтқанда, тұтас Қазақстанның тағдырына жауапты жандардың еңбегі еленетін күн. Білім саласында қызмет етіп, ертеңгі елдің саналы ұрпағын тәрбиелеп жүрген әрбір педагогке халықтың айтар алғысы ұшан-теңіз. Сіздер ұлы қызметтің тұтқасын ұстаған, маңызды мамандыққа маңдай тер төгіп жүрген жансыздар. Елдің ертеңі үшін енгізіліп жатқан түрлі бағдарламаларды именбей игеріп, жатсынбай жас ұрпақтың санасына сіңіруде сіздердің үлестеріңіз мол. Алдағы күндеріңізге сәттілік пен қайрат тілеймін», — деді аудан әкімі.
Ақ тілек-құттықтаулар ыстық ықыластың барлығы да бұл күні ұстаздар қауымының құрметіне арналды. Бірқатар ұстаздарды марапаттап, алғыс хаттар берілді.