Жамбылда үздік өрт сөндірушіні анықтады
Өрттен құтқару спортынан жарыс облыстағы осы салаға өшпес із қалдырған Ахметбеков Исабай Ахметбекұлын еске алуға арналды , — деп хабарлайды «Zhambylnews» AA.
Жыл сайын ұйымдастырылатын додаға облыс бойынша жалпы 14 команда қатысып, кәсіби біліктілік, өрт туындаған жағдайда оны дер кезінде ауыздықтау, жою, сондай-ақ өртке қарсы қызметтің абыройын арттыру үшін күресті.
3 кезең бойынша бақ сынасты:
- Оқу мұнарасының 4-қабатына шабуылдық сатымен шығу;
- 100 метрлік жолақпен кедергілер арқылы жүгіріп өту;
- Өрт автоцистернасына жауынгерлік қанат жаю.
Жалпы командалық есеп бойынша Тараз қалалық № 3 өрт сөндіру бөлімі оқ бойы алға суырылып шығып, бірінші орынды иемденді. Ал екінші орынды Тараз қалалық №1 мамандандырылған өрт сөндіру бөлімінің қызметкерлері жеңіп алды. Жамбыл аудандық №6 өрт сөндіру бөлімінің қызметкерлерінен құралған команда жүлделі үшінші орыннан көрінді.