Алматы әуежайында Түркиядан контрабандалық алтын бұйымдар өткізбек болған қылмыстық топтың жолы кесілді, — деп хабарлайды «Zhambylnews» АА ҚазАқпаратқа сілтеме жасап.
«2018 жылғы 25 мамырда Алматы халықаралық әуежайында ҚР ҰҚК Алматы қаласы бойынша департаментінің қызметкерлері жүргізген жедел-іздестіру іс-шаралары барысында мүшелері өз қызметтік жағдайын пайдалана отырып, Түркиядан зергерлік бұйымдар контрабандасын жүзеге асырған ұйымдасқан топтың қылмыстық әрекетінің жолын кесті», — делінген хабарламада.
Жүргізілген іс-шаралар нәтижесінде олардан 103 миллион теңге сомасына салмағы 13 келіден астам зергерлік бұйым алынды.
Осы факті бойынша ҚР ҚК 234-бабы 3-б. 1-т. бойынша қылмыстық іс қозғалды. Қажетті жедел-тергеу іс-шаралары жүргізілуде.