Жамбыл облысында болған пойыз апатының себебі анықталды

0 0

Жамбыл облысындағы Мойынты-Шығанақ аумағында жүк пойызы вагондарының рельстен шығып кетуінен келген шығын көлемі есептеліп жатыр. Бұл туралы «ZhambylNews» AA «ҚТЖ» ҰК» АҚ баспасөз қызметіне сілтеме жасап хабарлайды.

Төтенше жағдайға «Исткомтранс» ЖШС-не қарасты 28-вагонның бүйір рамасы сынып кетуі себеп болған. Бұл вагондар 2009 жылы шығарылған. Белгілі болғандай, соңғы 10 жылда аталған кәсіпорын шығарған вагондардың рельстен шығып кетуі бойынша 14 оқиға тіркелген. Ал 2015 жылы «ҚТЖ» ҰК» АҚ бұл бүйір рамаларын қолданыстан алып тастау туралы шешім қабылдаған. Шешімге құлақ аспаған жүк вагондарының иесі енді заңға сәйкес, барлық келтірілген шығынды өтеуі тиіс. Қазір осы жағдайды тергеу бойынша арнайы комиссия жұмыс істеп жатыр.

Leave A Reply

Your email address will not be published.