Таразда жауынгерлік патрондар сатпақшы болған әскери қызметші ұсталды

0 0

Таразда жауынгерлік патрондар сатуға әрекет жасаған әскери қызметші ұсталды, — деп хабарлайды «ZhambylNews» Ақпараттық Агенттігі Жамбыл облысы ІІД Баспасөз қызметіне сілтеме жасап.

Ағымдағы жылдың 11 қазанында шамамен сағат 14:00-де Жамбыл облысы ІІД Ұйымдасқан қылмысқа қарсы күрес басқармасының қызметкерлері Тараз қаласында орналасқан кафелердің бірінде Калашников автоматының 130 патронын сату барысында Қазақстан Республикасы Қорғаныс министрлігі №85395 әскери бөлімінің аға лейтенант лауазымындағы 28 жасар взвод командирін ұстады.

Үш жылдан сегіз жылға дейінгі мерзімге бас бостандығынан айыру түріндегі жаза қарастыратын ҚР ҚК 287-бабы 4-бөлігі бойынша (қаруды, оқ-дәрілерді, жарылғыш заттарды және жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру) сотқа дейінгі тергеу амалдары басталды.

Қазіргі уақытта тергеу әрекеттерін одан әрі жүргізу мақсатында ұсталған азамат ҚР ІІМ «Оңтүстік» өңірлік әскери-тергеу басқармасының Тараз бөлімінің қызметкерлеріне берілді.

Leave A Reply

Your email address will not be published.