Головкиннің келесі қарсыласы анықталды

0
24

Бұрынғы әлем чемпионы қазақстандық Геннадий Головкин (38-1-1, 34 КО) Ұлыбританияда жекпе-жек өткізуі мүмкін және қарсыласы да белгілі. Бұл туралы Behind The Gloves арнасына берген сұхбатында боксшының промоутері Том Леффлер айтып берді, – деп хабарлайды “ZhambylNews” Ақпараттық Агенттігі Vesti.kz-ке сілтеме жасап.

Оның сөзінше, Головкинге Британияда өтетін жекпе-жекте қарсылас жекргілікті боксшы – екінші орта салмақта WBA Super белбеуінің иегері және Бүкіл әлемдік бокс суперсериясының (WBSS) жеңімпазы Каллум Смит (25-0, 18 КО) болуы мүмкін. Финалда ол Головкиннің спарринг серігі болған Джордж Гроувзды (28-4, 20 КО) жеңген.

Сонымен қатар, Леффлер өзге британиялық Билли Джо Сондерс (26-0, 12 КО) пен Головкин арасындағы жекпе-жек енді өтпейтінін айтады. Өйткені британиялық допинг дауына байланысты чемпиондық атағынан бас тартқан.

Айта кетейік, Головкин 2016 жылы Ұлыбританияда жұдырықтасқан, Лондонда өткен жекпе-жекте ол жергілікті Келл Брукты бесінші раундта жеңген. Британиялық боксшының командасы рингке ақ орамал лақтырған еді. Кейін Бруктың көз ұяшығының сүйегі сынғаны және оған операция қажет болғаны айтылды.

Жауап калдыру

Please enter your comment!
Please enter your name here