14 қараша күні қазақстандықтар латын әліпбиінде жаппай диктант жазады, — деп хабарлайды «ZhambylNews» Ақпараттық Агенттігі ҚазАқпаратқа сілтеме жасап.
ҚР Мәдениет және спорт министрлігінің ұйымдастыруымен 14 қарашада, сағат 11.00 — 11.30 аралығында республика бойынша латын графикасы негізінде «Жалпыхалықтық диктант» өтеді.
«Шараның мақсаты — жаңа қазақ әліпбиін насихаттау, латын қарпіндегі қазақ әліпбиін іс жүзінде меңгеруге дағдыландыру. Диктантты арнайы белгіленген орындарда және emle.kz, tilalemi.kz сайттарында, «Шалқар» және Қазақ радио арналарында тікелей эфирде мәтін аудиосын тыңдап, жазуға болады», — делінген министрліктің хабарламасында.
Жалпыхалықтық диктант барысы туралы радио және телеарналарда тікелей репортаждар ұйымдастырылады. Қажетті ақпаратты emle.kz, tilalemi.kz сайттарынан алуға болады.
