Нұрсұлтан Назарбаев: Жастар біздің тарихымыз терең екенін біліп жүрсе екен деймін
Мемлекет басшысы Нұрсұлтан Назарбаев БАҚ өкілдерімен кездесу барысында «Ұлы даланың жеті қыры» мақаласынан қандай нәтиже күтетінін айтты, — деп хабарлайды «ZhambylNews» АА Baq.kz-сілтеме жасап.
«Совет Одағы кезінде өмір сүрген кезде мектепте де, жоғары оқу орнында да біздің тариымыз Октябрь революциясынан кейін басталды деп оқытты. Жастарымыз біздің терең тарихымыз бар екенін білуі керек. Сақтардан, ғұндардан, ұлы түрік дүниесінен бастауы керек. Ұлы даланың үстінен кім жүрмеді, кім өтпеді? Несіне ұялатыны бар? Бүгін ғана аспаннан салбырап түскен жоқпыз. Жастарға біздің халқымыздың әлемдік ғылымға да, білімге де, мәдениетке де қосқан үлесі бар екенін көрсету үшін осы мақаланы жаздым. Жастар біздің тарихымыздың терең, ұлы екенін біліп жүрсе екен», — дейді Елбасы.
