Қазақстанның бірнеше облысында тұман, жел және көктайғақ болады

Еліміздің бірнеше облысында ауа райы бұзылады, — деп хабарлайды «ZhambylNews» AA «Қазгидромет» РМК өкілдеріне сілтеме жасап.

13 қаңтарда Солтүстік Қазақстан облысы бойынша кей жерлерде жаяу бұрқасын, тұман болады. Оңтүстіктен соғатын желдің күші түнде кей жерлерде 15-20, күндіз 15-20, кей жерлерде екпіні 23-28 м/с, Петропавлда 13 қаңтарда жаяу бұрқасын болады. Оңтүстіктен соғатын желдің күші 15-20 м/с, Қостанай облысының кей жерлерінде тұман, бұрқасын, жел оңтүстіктен 15-20 м/с күтіледі.

Сондай-ақ, Ақтөбе облысының кей жерлерінде жаяу бұрқасын, көктайғақ, оңтүстіктен соққан желдің екпіні 15-20 м/с күтіледі.

Маңғыстау облысы бойынша да кей жерлерде тұман түседі деп болжанып отыр. 13-15 қаңтарда Қызылорда облысының кей жерлерінде тұман, көктайғақ сақталады.