Ауа райының бұзылуына байланысты Жамбыл облысындағы асуларда жол жабық деп хабарлайды «ZhambylNews» Қазавтожолға сілтеме жасап.
Бұған қоса, Екатеринбург-Алматы көлік жолының Қарағанды мен Балқаш арасындағы бөлігінде, Алматы-Өскемен тас жолының Алматы облысындағы Үшарал ауылынан Шығыс Қазақстан облысының шекарасына дейінгі бөлігінде көлік қозғалысы тоқтатылған. Үшарал-Достық бағытындағы жолдың Көктұма ауылынан Достық ауылына дейінгі аралығы жабылған.
Сондай-ақ, Ақмола, Қостанай, Солтүстік Қазақстан және Павлодар облыстарында барлық бағыттағы жолдар жабылған. Астана қаласынан шығатын жолдар да жабық тұр.
Ал Шығыс Қазақстан облысында дизель отынымен жүретін көліктердің алыс жолға шығуына тыйым салынған.