Сенбі күні облыс әкімі Асқар Мырзахметовтың төрағалығымен Тараз қаласын дамыту жөнінде кеңестің отырысы өтті. Күн тәртібінде шаһар шырайын арттыруға арналған жобалар сараланып, олардың орындалу барысы қаралды. Бұл туралы «ZhambylNews» Ақпараттық Агенттігі облыс әкімінің баспасөз қызметіне сілтеме жасап xабарлайды.
Жиында «Арбат», «Шаxристан-Көне-Тараз» мәдени кешені, Қазақ xандығы монументінің аумағын абаттандыру жұмыстарының жоспары қайта нақтыланып, өңір басшысы жауапты тұлғаларға бірқатар тапсырмалар берді.
Атап айтар болсақ, «Арбаттың» эскиздік жобасындағы отырғызылатын(талдардың) жасыл белдеудің орналасу барысын қайта ұсыну, эскиздік жобасындағы «Арбатқа» кіре берісіндегі жобаланған минареттің ағаш қақпаның жазылуын түрік стилінде жазу және канал жағалауындағы нақты орналасатын көне жәдігерлерді анықтау, «Шахристан-Көне Тараз мәдени кешеніндегі» сағат стеласының және жарықшамдары мен орындықтардың эскиздік жобасын қайта пысықтап, тиісті жұмыстар жүргізуді тапсырды.
Сондай-ақ, «Шахристан-Көне Тараз мәдени кешені» аумағындағы 5 көпқабатты тұрғын үй мен кәсіпкерлік нысандарды мемлекет меншігіне қайтару үшін жүргізіліп жатқан бағалау жұмыстарына білікті мамандарды тарту, «Арбаттың» бойындағы жергілікті кәсіпкерлер мен балаларға арналған және скейтборд алаңшаларға қатысты келіссөз жүргізу шаралары пысықталды. Ал, «Қазақ xандығына 550 жыл» монументі аумағынан Қазақ xандығына арналған «Мұражай» кешеніндегі салынатын жер телімін барынша қысқартып, мемлекет меншігіне қайтару бойынша тиісті шараларды тиянақты атқару жүктелді.
Айта кетейік, Асқар Исабекұлы бұл жұмыстардың маңыздылығын алға тартып, берілген тапсырмалардың жедел әрі мұқият орындалу керектігін баса айтты. Бұдан соң өңір басшысы шаһардағы бірқатар нысандарға ат басын бұрып, жұмыстарымен танысты.
