Жамбылдық полицейлер арасында самбодан сайыс өтті

0 5

Жамбылдық полицейлер арасында самбодан сайыс өтті, — деп хабарлайды «ZhambylNews» АА облыстық ПД  баспасөз қызметіне сілтеме жасап.

Ағымдағы жылдың 13 шілдесінде «Динамо» спорт кешенінде Жамбыл облысының Полиция департаменті қызметкерлері арасында самбо күресінен жарыс өтті. Жарысқа аудандық полиция бөлімдері мен Мемлекеттік күзет қызметі басқармасы қызметкерлерінен құралған 15 команда қатысты.

Тартысты өткен сайыста арнайы бөліністер арасында командалық 1-орынды Полиция департаментінің Жылдам қимылдайтын арнайы жасағы командасы жеңіп алса, 2-орынды МКҚБ командасы, ал 3-орынды Оқу-жаттығу взводының командасы иеленді.
Аудандық полиция бөлімдері арасында командалық 1-орынға Тараз қаласының 1-ПБ, 2-орынға Талас АПБ, 3-орынға Тараз қаласының Полиция басқармасы ие болды.

Осылайша, Жамбыл облысының құрама командасына қабылданған полиция қызметкерлері ағымдағы жылғы тамыздың 15-18 күндері аралығында Талдықорған қаласында өтетін ҚР ІІМ чемпионатында облыс намысын қорғайтын болады.
Біз де әріптестерімізді жеңістерімен құттықтай отырып, алдағы республикалық жарыста жеңіспен оралуларын тілейміз!

Leave A Reply

Your email address will not be published.