Бүгін Кенен Әзірбаев атындағы Жамбыл облыстық филармониясының ұйымдастыруымен елдегi тұрақтылықтың алтын қазығы, елдiгiмiздiң бағдары, келешектiң кепiлiне айналған Конституция күніне орай мерекелік концерт өтті, — деп хабарлайды «ZhambylNews» Ақпараттық Агенттігі.
Дүбірі бөлек думанға облыс әкімі Асқар Мырзахметов пен Тараз қаласының белді азаматтары келді. Мемлекеттiк құрылымды нығайтып, мемлекеттiң формасы мен билiктiң жоғарғы органдарын анықтайтын Ата Заңымызға арналған салтанатта жиында күмбірлеген күй мен әуезді әннен шашу шашылды.
