Төтенше жағдай кезінде коммуналдық төлемдер тиісті жандарға төленеді

0
832

Төтенше жағдай кезінде коммуналдық төлемдер тиісті жандарға төленеді. Мемлекет басшысы Қ.К.Тоқаевтың тапсырмасымен елімізде осал топ саналатын азаматтарға барлық мүмкіндіктер қарастырылып,көмектер берілуде ,  — деп хабарлайды «ZhambylNews” ақпараттық агенттігі.

Қазақстан Республикасы Президентінің тапсырмасына сәйкес Қазақстан Республикасы Индустрия және инфрақұрылымдық даму министрлігінің 2020 жылғы 18 сәуірдегі №212 бұйрығымен Төтенше жағдай кезеңінде коммуналдық қызметтерді жеткізушілердің шығындарын өтеу Қағидалары бекітілгені белгілі.
Облыс әкімдігі мен аудан әкімдігінің тікелей қадағалауымен бұл жұмыстар Алгоритмге сай ұйымдастырылуда.

Коммуналдық қызметтерді (электр, газ, жылу, ауыз су) өтеуге құқығы бар келесі азаматтардың санаттары белгіленді.

1) І, ІІ, ІІІ топтағы мүгедектер;
2) мүгедек бала тәрбиелеуші отбасылар;
3) көпбалалы отбасылар;
4) ҰОС соғысының мүгедектері мен қатысушылары және ҰОС мүгедектері мен қатысушыларына теңестірілген азаматтар;
5) мемлекеттік немесе қоғамдық міндеттерін,әскери қызметін орындау кезінде, ғарыш кеңестігіне ұшуды дайындау немесе жүзеге асыру кезінде, адам өмірін құтқару кезінде, құқық тәртібін қорғау кезінде қаза тапқан (қайтыс болған) адамдардың отбасы;
6) ең төмен аз зейнетақы алатын зейнеткерлер;
7) атаулы әлеуметтік көмек алатын азаматтар, оның ішінде жалғызбасты зейнеткерлер;
Ағымдағы жылдың сәуір, мамыр айлары бойынша аталған санаттарға жататын коммуналдық қызмет тұтынушылардың дербес (абоненттік) есеп-шоттарына тікелей 15000 теңге көлемінде шығындар өтеліп тұратын болады.
Бұл көмек коммуналдық қызметтерді жеткізуші ұйымдармен өз аттарына келісімшарттары бар аталған санаттарға жататын азаматтарға көрсетіледі. Тек қана мүгедек бала тәрбиелеуші отбасылар, көпбалалы отбасылар және өз міндеттерін орындау кезінде қаза тапқан адамдардың отбасылары санаттары үшін коммуналдық ұйымдармен келісімшарт (абоненттік есеп) осы отбасы мүшелерінің біреуінде болуы қажет.
15000 теңге алу жолдарын түсіндіру жұмыстарымен аудан әкімдігі жанынан құрылған Call-орталық мамандары айналысады,олар тұрғындардан түскен сауалдарға жауап беріп, кейбір мәселелер бойынша тиісті бөлімдермен жұмыс жүргізеді.

Жауап калдыру

Please enter your comment!
Please enter your name here