Меркі ауданында балық өсіретін кешеннің құрылысы басталды

0
28

Ағымдағы жылы Меркі ауданы, Андас батыр ауылдық округі, Гранитогорск ауылында жобалық құны 250,0 млн. теңгені құрайтын «Bester Yard» ЖШС-нің «Инновациялық балық шаруашылығы және балық өндірісі» жобасы іске асырылады деп күтілуде. Жобаға сәйкес, балық өндіретін 5 ғимараттың құрылысы жүргізілетін болады, — деп жазады “ZhambylNews” АА.

Кәсіпорынның жылдық қуаттылығы жылына 200 тонна балық өндіру (бекіре, сом). Бүгінгі күнгі 2 га жер телімі алынып, учаскеде жер қазу және дайындық жұмыстары, сондай-ақ құрылыс материалдарын сатып алу жүргізілуде. Кәсіпорынға 100 Квт уақытша электрмен жабдықтау желісі жүргізілді.

Сонымен қатар, «Бизнестің жол картасы — 2025» мемлекеттік бағдарламасы аясында, жетіспейтін инфрақұрылым жүргізу тетігі бойынша электр желісін тарту жоспарлануда. Жоба іске асқан кезде 45 жаңа жұмыс орындары ашылады деп күтілуде.

Жауап калдыру

Please enter your comment!
Please enter your name here