Мойынқұмда облыстық ақындар айтысы өтті

0
120

Мойынқұм аудандық мәдениет үйінде ҚР  Тәуелсіздігінің 30 жылдығына және жыр алыбы Жамбылдың туғанына 175 жыл толуына,  Социалистік Еңбек  Ері  Жазылбек Қуанышбаевтың туғанына 125 жыл толуына орай «Құтқа толы Хан тауының қойнауы, Мойынқұмым – Жаз атамның жайлауы» атты облыстық ақындар айтысы өтті, — деп жазады “ZhambylNews” AA.

Елбасының «Болашаққа бағдар: рухани жаңғыру» бағдарламасы аясында ұйымдастырылған жыр додасына облыс бойынша 16 айтыскер ақын қатысты.

Ақындар айтысы басталмас бұрын Жаз ата ескерткішіне гүл қойып, рухына тағзым етілді.

Айтыс барысында ақындар Тәуелсіздігіміздің тұғырын текті жырлармен толғап, Мойынқұм ауданының тарихын, тәуелсіздікке жету жолында тер төккен ерлердің еңбегін, елдің бірлігін, берекелі тірлігін жырға қосты.


Сайыс қортындысы бойынша бас жүлдені Жуалы ауданынан келген Қанат Мырзахан қанжығасына байлады. Бірінші орынды Мойынқұм ауданынан келген Ғабит Есдәулетов иеленді. Т.Рысқұлов ауданының намысын қорғаған Асхат Қылышбек және Байзақ ауданынан келген Дархан Әбдіманат екінші орынды қанағат тұтты. Ал жүлделі үшінші орын Жуалы ауданының тумасы Дидар Апбасовқа және Нұрлыбек Құрмановқа, сондай-ақ Тараз қаласынан келген Медеу Мырзатай мен Төлеби Тәңірбергенге бұйырды.

Жауап калдыру

Please enter your comment!
Please enter your name here