Жамбыл облысында 91 нысанның құрылысы жүріп жатыр, оның 42-сі жыл соңына дейін пайдалануға беріледі. 63 нысанның құрылыс жұмыстарының аяқталуы жоспарланса, 28 нысан 2020 жылға өтпелі. Бұл туралы бүгін ӨКҚ алаңында өткен брифингте облыс әкімінің орынбасары Еркебұлан Дауылбаев айтты — деп хабарлайды «ZhambylNews» Ақпараттық Агенттігі.
Айта кетейік, 9 айдың қорытындысы бойынша 21 нысанның құрылысы аяқталып пайдалануға тапсырылды. Қалған 42 нысан жыл соңына дейін тапсырылатын болады. Есепті кезеңге бөлінген 20,9 млрд.тг 100 %-ға игерілді.
