Тұрар Рысқұлов ауданы әкімдігі жанынан коронавирус дертінің алдын алу шараларын күшейту мақсатында жұмысшы топ құрылып, 2020 жылдың 13 наурызынан бері жоспарға сай жұмыстар атқарып келеді, — деп хабарлайды «ZhambylNews» Ақпараттық Агенттігі.
Жалпы аудан бойынша 526 объект болса, оның ішінде білім беру объектілерінің саны-67, 35-денсаулық сақтау нысаны, спорт нысандары-162, мәдениет нысандары-53, ғибадат нысандары-35, сауда нысандары-95, тамақтану ныандары-32, көлік жуу, көлік жөндеу объектілері-22, пошта-19, ХҚКО-1, лагерь-1, 4- демалыс орындары бар.
Қазіргі таңда аталған жұмысшы топ мүшелері аудан аумағындағы 324 объектіні аралап, ақпараттық-түсіндіру және насихат жұмысын жүргізді. /14.03.20-45; 15.03.20-51; 16.03.20-51; 17.03.20-100; 18.03.20-77;
Сонымен қатар ғимараттарды дезинфекциялау, санитарлық-гигиеналық талаптарды сақтау бойынша рейдтер жүргізілді. Қазіргі күні 334 нысан тексеруден өтті.
Аудандық орталық ауруханада 75 дәрігер, 300 орта буын қызметкерлеріне коронавирус дертінің алдын алу бойынша ақпараттық нұсқама өткізілген. Аудандық орталық аурухана дезинфекциялық құрылғылармен толық жабдықталған. Сондай-ақ, 3000 деохлор, люирэкс-3000 табл; 20 литр додексан, 100 л антисептик, 200 кг гиплохлорид, 200 кг хлордезин гранула дайындалған.Дерттің алдын алуға бағытталған шаруаларға жауапты эпидемиологтар-А.К.Ниязбекова, Л.М.Жакияева бекітілген. Аудандық аурухана карантиндік режимге көшірілді. Дәрігерлер тарапынан үйме-үй аралау жұмыстары белсенді жүргізіліп, науқастарды анықтау, кеңес беру, түсіндіру шаралары қолға алынды.
Коронавирус дертінің алдын алу бойынша 2 банер ілінді, аудандық газетке 6 мақала жарияланды. Облыстық телеарнада 1 сюжет, ақпараттық сайтқа 2 материал жарық көрді.
Аудан әкімдігінің ресми парақшаларына /фейсбук, инстаграм 50 пост; атқарылған жұмыстар туралы 10 пост,18 видео / салынды,сонымен қатар барлық бөлім, мекеме, ауылдық округтердің ресми парақшаларына халық назарына ақпараттық мәліметтер таратылуда.
Аудан әкімі Ерболат Садырқұловтың қатысуымен орталық базар, сауда үйлері мен аптекалар араланып, түсіндіру, тексеру жұмысы жүргізілді. Бағаның тұрақтылығын сақтау бойынша тиісті сала басшыларына тапсырмалар жүктелген. Арнайы құрылған штаб азық-түлік өнімдерінің бағаларының қымбаттауының алдын алу бойынша ұйымдастыру жұмыстарын жүргізді.
Жұмысшы топ мүшелері күнделікті зерттеу, тексеру, түсіндіру жұмыстарын жалғастыруда.
Ауылдық елді мекендер және аудан орталығына қатынайтын қоғамдық көліктерде дезинфекциялау жұмыстары тұрақты жүргізілуде, бұл жұмысқа жауапкершілікті «Құлан Логистик» ЖШС-і атқаруда; орталықта 8 автокөлік пен ауылдарға қатынайтын 6 автокөлік сағат сайын залалсыздандырылуда.
Ауданда төтенше жағдайға байланысты барлық тойхана, ресторандар жабылды, отбасылық іс-шараларға тоқтау қойылды. Сонымен қатар ХҚКО-на келетін адам санын қысқарту үшін ауылдық округтерде ашылған «Цифрлық орталықтар» арқылы қажетті құжат алу жұмысы ұйымдастырылды. Халықтың көп шоғырланатын орындарына тиісті антисептиктер, дезинфекциялық құралдар жеткізіліп, сақтану шаралары туралы ақпараттық жадынамалар таратылып, ілінуде.
