Өңірде «Ауыл ел – бесігі» бағдарламасы аясында 109 жоба іске асырылуда
Жамбыл облысында ағымдағы жылы «Ауыл ел – бесігі» бағдарламасы аясында 7 млрд. 532,2 млн. теңгеге 109 жоба іске асырылуда, оның 2 жобасы 2021 жылға өтпелі болып табылады, — деп жазады «ZhambylNews» ақпарат агенттігі.
Қазіргі таңда жоспарға сәйкес 54 тұрақты және 1233 уақытша жұмыс орындарын ашу көзделуде. Жобаларды іске асыру нәтижесінде 1 орта мектепке асхана, спорт және акт залы мен 3 сынып комплектісінің құрылысы, тәулігіне 2860 келушіге арналған дене-шынықтыру сауықтыру кешендерінің құрылысы, 510 орынға арналған мәдениет үйлерінің құрылысы, ауысымына 120 адамды қабылдайтын емхана және 700 балаға арналған өнер мектебі қайта жаңғыртылатын болады.
Сонымен қатар, облыс аумағындағы 8 мектеп, 1 бала-бақша және 1 орталық стадион күрделі жөндеуден және 138,9 шақырымды құрайтын ауылішілік жолдар орташа жөндеуден өткізілетін болады. Бұл бағытта ағымдағы жылдың 6 айының қорытындысы бойынша жалпы 1 991,1 мың теңге қаржы игеріліп уақытша 1113 жұмыс орындары құрылды.
Жобаларды іске асыру жұмыстары аудандар бөлінісінде төмендегідей қалыптасты:
Байзақ ауданында тәулігіне 520 келушіге арналған 2 бірлік дене – шынықтыру сауықтыру кешенінің құрылысы, Қостобе ауылындағы мектеп ғимаратына жапсаржай салу, 4 мектепке күрделі жөндеу жұмыстарын жүргізу және 27,65 шақырымды құрайтын 13 көшені орташа жөндеуге жалпы 1 680,7 млн. теңге қаржы қарастырылып, уақытша 227 жұмыс орындары ашылды.
Ал, Жамбыл ауданы бойынша Аса ауылындағы Б.Момышұлы мектеп ғимаратының бір бөлігін 700 балаға арналған өнер мектебі етіп қайта жаңғырту, тәулігіне 520 адамға арналған әмбебап дене-шынықтыру сауықтыру кешенінің құрылысы, Қаракемер ауылында 90 көрерменге арналған мәдениет үйінің құрылысы және 5,55 шақырымды құрайтын 8 көшенің орташа жөндеу жұмыстарына жалпы 633,3 млн.теңге бөлініп, уақытша 146 жұмыс орындары құрылды.
Сондай-ақ, Қордай ауданында тәулігіне 780 келушіге арналған 3 бірлік спорт нысандарының құрылстары мен 52,75 шақырымды құрайтын 21 көшені орташа жөндеу жұмыстарына 1 832,3 млн.теңге қаражат бағытталып, уақытша 301 жұмыс орындары ашылды. Бұған қоса, Меркі ауданында тәулігіне 520 келушіге арналған спорт кешенінің құрылысы, №12,44,48 мектептерін күрделі жөндеу және 24,0 шақырымды құрайтын 19 көше жолдарын орташа жөндеуге жалпы 1 338,7 млн. теңге қаржы қарастырылып, уақытша 175 жұмыс орындары құрылған.
Сарысу ауданында тәулігіне 260 келушіге арналған спорт залының құрылысы, Жанаталап ауылындағы мектеп ғимараты мен Саудакент ауылындағы бала-бақша ғимараттарын күрделі жөндеу және 17,9 шақырымды құрайтын 19 көше жолдарын орташа жөндеуге 917,4 млн.теңге қаржы бөлініп, уақытша 154 жаңа жұмыс орындары ашылды.
Сонымен қатар, бүгінгі күнге Шу ауданында уақытша 110 жұмыс орыны ашылып 986,6 млн. теңгеге өткен жылдан өтпелі ауысымына 120 келушіге арналған орталық аурухана ғимаратына емхана етіп жапсаржай салу, тәулігіне 260 әмбебап дене – шынықтыру сауықтыру кешенінің және 420 орынға арналған салтанат сарайының құрылыстары мен 11 шақырымды құрайтын 4 ауылішілік көшелердің орташа жөндеу жұмыстары іске асырылуда.
