Жамбыл облысының жедел жәрдем станциясы жаңа көліктермен толықты

0
34

Жамбыл облысының медициналық мекемелеріне жаңа жедел жәрдем көліктері пайдалануға берілді. Бұдан бұрын облысқа ӨЖЖ аппараттары, пульсоксиметрлер және оттегі концентраторлары бар гуманитарлық жүк жеткізілген болатын, — деп хабарлайды «ZhambylNews» ақпарат агенттігі.

Аталған көмек «Самұрық-Қазына» АҚ мен ҚР Денсаулық сақтау министрлігі арасындағы ынтымақтастық туралы меморандум аясында көрсетіліп отыр. «Самұрық-Қазына» АҚ компаниялар тобының бірыңғай қайырымдылық операторы — «Samruk-KazynaTrust» әлеуметтік жобаларды дамыту қоры қажетті құрал-жабдықтарды сатып алып, аймақтарға табыстаған. Жамбыл облысына үш ӨЖЖ аппаратын, бес оттегі концентраторын, 50 пульсоксиметр жеткізлді. Сондай-ақ, облысқа «Chevrolet Damas» маркалы сегіз жедел жәрдем көлігі берілді.

— Біз барлық жанашыр азаматтарға медициналық препараттар мен дәрі-дәрмектерді, оттегі концентраторларын, ӨЖЖ аппараттарын және пандемиямен күреске қажетті басқа да құралдарды сатып алуға көмектескені үшін алғыс айтамыз. Бұл көмектердің маңызы зор. «Самұрық-Қазына» АҚ — нан алынған барлық жабдықтар қалалық және аудандық емханаларға үлестіріледі, — дейді денсаулық сақтау басқармасының басшысы Әсет Қалиев.

Еске сала кетейік, аталған меморандум аясында республиканың денсаулық сақтау жүйесіне 100 жедел жәрдем көлігі, 1 000 оттегі концентраторы, 50 ӨЖЖ аппараты, 1 000 пульсоксиметр жеткізілетін болады.

Жауап калдыру

Please enter your comment!
Please enter your name here