Мерейтой қарсаңында елордада «Нұр келбетті Астана» халықаралық көркем сурет фестивалі өтеді, — деп хабарлайды «Zhambylnews» AA 24kz арнасына сілтеме жасап.
Шараға әлемнің ондаған елінен 200-ден астам қылқалам шебері келеді деген жоспар бар. Олар қазақстадық суретшілермен бірлесіп алдағы күндері Астананың ерекше ғимараттары мен тарихи орындарын қағаз бетіне түсірмек. Кейіннен бұл картиналар Ұлттық музей қорына табысталады. Сондай-ақ шетелдік мамандардың жекелеген жұмыстары халықаралық көрмелерге шығарылады. Шараның салтанатты ашылу рәсімі 12 маусымға жоспарланған.
Александра Коннор, суретші /Ұлыбритания/:
«Мен Астанаға алғаш рет келіп отырмын. Қаладағы әсем ғимараттар бірден көзге түседі. Себебі олардың құрылысы ерекше екен. 20 жылда осындай шаһар салу оңай емес. Алдағы күндері астаналықтардың сүйікті демалыс орындары мен ғимараттарын қағаз бетіне түсіремін».
