Жамбыл облысы әкімдігінің кәсіпкерлік және индустриалды-инновациялық дамыту басқармасы басшысының орынбасары болып Еркін Атымтаев тағайындалды, — деп жазады «ZhambylNews» ақпараттық агенттігі.
Еркін Садуахасұлы 1985 жылы дүниеге келген.
2007 жылы Қ.И.Сәтбаев атындағы Қазақ ұлттық техникалық университетін бітірген.
2008-2010 жылдары «Астра Стар» ЖШС-інде бұрғылау жөніндегі инженер қызметін атқарған.
2011-2012 жылдары «ЦСК НС» ЖШС-інде учаске шебері және 2011-2013 ж. «Казахэнергоэкспертиза» АҚ-ында сарапшы, 2013-2014 жылдары «KazProdEnergy» ЖШС-інде директор лауазымын атқарды. Дәл осы жылы «Электр энергетикасын дамыту және энергия үнемдеу институты» АҚ-ында сарапшы қызметінде болған.
2014-2015 жылдары Жамбыл облысы әкімінің қабылдау бөлмесінің бас маманы, 2015-2018 жылдары Жамбыл облысы әкімінің көмекшісі қызметін атқарды.
2018-2019 жылдары Премьер министрдің кеңсесінде эксперт, 2019-2020ж Қазақстан Республикасының Қырғызстан елшілігінде аға референт.
Соңғы лауазымы «Қазселденқорғау» мемлекеттік мекемесі» Алматы қалалық филиалы басшысының орынбасары.