Ғалымдар бір түн ұйықтамаудың зардабын анықтады

0 5

Адам бір түн ұйықтамаса, оның бауырынан мөлшерден көп глюкоза шығып, май бездерінің дерті мен 2-типтегі қант диабеті сияқты метаболит аурулар пайда болуы мүмкін. Бұл туралы Тохо университетінің ғалымдары хабарлады.

Ғалымдардың айтуынша, дұрыс ұйықтамаған адамдар көбіне көп тамақ ішіп, аз қимылдайды және 2-типтегі қант диабетіне шалдығып жатады. Осы ретте мамандар екі типті жануарларға зерттеу жүргізген: біреулеріне көп дегенде 6 сағат ұйықтауға уақыт берсе, екіншілеріне ұйқыға шектеу қоймаған. Бірақ екі топқа да майлы тағам мен тәтті сулар беріліп тұрған.

Зерттеу нәтижесінде дұрыс ұйықтамаған жануарлардағы глюкоза мен триглицеридтің (майдың) мөлшері екінші топқа қарағанда айтарлықтай көп болғаны анықталған. Ал триглицеридтің мөлшері көбейсе, ғалымдардың айтуынша, 2-типтегі қант диабетінің пайда болу қаупі артады.

Дереккөз: tengrinews.kz

Leave A Reply

Your email address will not be published.