Үш тілегіңді орындайтын сиқырлы мысық 54 млн теңгеге сатылмақ

0 1

Новосибирскіде әйел өзінің И-Левел Винсент атты шотландтық мысығын 10 миллион рубльге (54 миллион теңге) сатпақ. Иесі үй хайуанатының сиқырлы қасиеті бар екенін айтып сендірді. 

Иесі мысықтың сиқырлы күшке ие екенін және ол кез келген үш тілекті орындай алатынын айтты. 

 

«Тек отбасына қатысты адамдардың үш тілегі орындалады. Мен оның бойындағы бұл қабілетті кездейсоқ байқадым. Маған пәтер керек еді, мен Винсентке көңіл көтеру үшін: «Тілегімді орындашы» дедім. Ертесі бұл тілегімнің орындалғанына көзім жетті. Бір айдан кейін менде пәтерім болды», — деді Елена.

Әйел жаңа үйді қалай алғанын айтқан жоқ. Оны сыйға алды ма немесе оны өзі сатып алды ма, ол жағы белгісіз. Ең бастысы, мысықпен байланысқаннан кейін қомақты қаражат келген. Елена тағы бір пәтер, содан кейін автокөлік сатып ала алды. Винсенттің сиқырлы күші тұқымында бар болып шықты.

«Оның енесі Октавианте Лолита нағыз бақсы тәрізді, түсі де көмір сияқты қара-қара еді. Енесі де сиқырлы мысық еді. Ал әкесі Рочестер көк мысық, тік құлақты. Біз Винсентті 2011 жылы, екі айлық кезінде сатып алдық. Содан бері ол тоғыз жыл бойы бізбен бірге тұрды», — деді Елена.

Иесі не себепті кенеттен сиқыршы мысығын сатуға шешім қабылдағанын айтты. Ол Винсенттің жаңа иелерін бақытты еткенін қалайды.

«Біз төртінші тілегімізді айттық — ол нәтиже бермейді. Мысығымыз үш тілекті ғана орындайды. Винсент осындай күшке ие болғандықтан, келесі иесіне барып, тілегін орындасын деген ниетпен сатқым келеді», — деп түсіндірді Елена.

Leave A Reply

Your email address will not be published.