Бекболат Тілеуханның үйінде қызметші болып жұмыс істегенін алға тартып, оның ақысын төлемеген деп ақпарат таратқан журналист Тоқтар Жақаш мәжіліс депутатынан қарғыс естіп қалды. Бұл туралы журналист өзінің ресми парақшасында жазды, деп хабарлайды Zhambylnews.kz.
Бекболат Тілеухан журналистің жекесіне: «Сенің айтқаның рас болып, Тұрсынай деген адамның ақысын жесем АЛЛАҺ мені тапсын! Олай болмай, көзің жетпеген нәрсеге жала қылып жапқаның рас болса, АЛЛАҺ сенің жаңынды қуырып, «не болдымға ұшыратсын!» Әмин, әмин, әмин!!! Қатты қинал! Жалақордың жаны екі дүниенің азабында шырылдасын! Әмин, әмин, әмин!!!» — деп жазып жіберіпті. Оның жазған скриндарын Тоқтар Жақаш әлеуметтік желіде жариялады.
