Адамзат көптен күткен 2020 жыл да аяқталуға аз қалды. Осы жылы қазақстандықтар арасында ең көп ізделген сөз — коронавирус болды. Мұны Google компаниясы жылдық қорытынды сараптамасында жариялады. Қазақстандықтар сондай-ақ, 42 500 теңге жайлы ақпараттарды, АҚШ-тағы сайлау, онлайн мектеп және «Бумажный дом» телехикаясы жайлы сұратымдарды көп жасаған.
Ең танымал сұралымдар:
- Коронавирус. Қарапайық суық тиюден бастап Таяу Шығыстағы тыныс алу синдромы (БВРС-КоВ) және ауыр жедел респираторлық синдром (SARS) сияқты ауыр ауруларға әкелетін вирустардың үлкен тобы. Жаңа коронавирус – бұл бұрын адамда анықталмаған жаңа штамм.
- Онлайн мектеп. Мектеп бағдарламасын электронды оқуға мүмкіндік беретін платформа.
- 42500 еңбек kz. Карантин басталғалы қазақстандықтар арасында әлеуметтік жәрдемақы алуға қатысты бірқатар қиындықтар болды. Жәрдемақы алудың жолдары enbek.kz сайтында жарияланған еді.
- Билим ленд. Мектеп бағдарламасын электронды оқуға мүмкіндік беретін платформа.
- Egov.kz. ҚР электронды үкіметі. Портал арқылы онлайн түрде түрлі қызметті жылдам алуға болады. Алайда қазақстандықтар әлі де порталдың кей қызметтерін алу кезіндегі олқылықтар мен техникалық ақауларына шағым түсіріп жатады.
- Ок едус. Білім беру онлайн платформасы, мұғалім мен оқушының онлайн сыныбы.
- Кунделик кз. Оқушының оқу үлгерімін бағалайтын күнделік.
- АҚШ-тағы сайлау. Биыл 3 қазанда АҚШ президентіне сайлау өтті. Оған республикалық партиядан Дональд Трамп пен демократиялық партия атынан Джо Байдан қатысты. Дәл қазір Дональд Трам 45-президент ретінде титулынан айырылған жоқ.
- Бумажный дом. Криминалдық драма жанрындағы испан телехикаясы қазақстандықтар арасында кең таралып үлгерді.
- Классрум. Google Class — бұл Google-дің мектептерге арналған тегін веб-қызметі, ол тапсырмаларды таратуды және бағалауды жеңілдетуге арналған. Google сыныбының негізгі мақсаты — мұғалімдер мен студенттер арасында файл алмасу процесін жеңілдету.
Тұңғыш президенттің немересі Айсұлтан Назарбаев «Жыл адамы» атанды. Еске салсақ, ол 2020 жылы Лондонда оқыстан көз жұмды. Отандық басылымдар оның жүрегі тоқтап қайтыс болғанын хабарлады.
Америкалық БАҚ Айсұлтан Назарбаевтың өлімінің себебін атады
Көп ізделген адамдардың ішінде екінші орында әуе апатынан қызымен бірге қаңтар айында көз жұмған Коби Брайант орналасты. Одан бөлек, бұл категорияға АҚШ сайлауында жеңіске жеткен Джо Байден, ресейлік оппозиционер Алексей Навальный, Белорусь президенті Александр Лукашенко да кірген.
Ондықтың соңғы орындарына Чедвик Боузман — американдық танымал актер, «Черная пантера» рөлінен соң танымалдылығы арта түскен. Осы жылы 43 жастағы актер обыр дертінен көз жұмды. Совет және ресейлік театр мен кино актеры Борис Клюев жайлы да қазақстандықтар біршама іздеген көрінеді. Марқұм актер обырдан қайтыс болған.
Жыл адамы:
- Айсултан Назарбаев
- Коби Брайант
- Михаил Ефремов
- Джо Байден
- Алексей Навальный
- Дональд Трамп
- Артём Дзюба
- Александр Лукашенко
- Чедвик Боузман
- Борис Клюев
Сондай-ақ, қазақстандықтар арасында «нені білдіреді» деген категория бойынша БСН, пандемия және БЖТ, IBAN деген сөздердің не екенін білгісі келген.
