Кеше 37 жасқа толған орта салмақта бұрынғы әлем чемпионы Геннадий Головкин (38-1-1, 34 КО) барлық жанкүйеріне құттықтаулар үшін алғысын білдірді.
«Құттықтаулар үшін барлығыңызға рахмет! Үнемі қолдау көрсетіп жүретін жанкүйерлеріме алғысымды білдірем. Жақында көрісеміз!», — деп жазыпты Головкин Instagram желісінде.
Головкиннің рингке оралуы 8 маусымға жоспарланған. Жекпе-жек Нью-Йорктегі Madison Square Garden аренасында, аралық салмақ — 164 фунтта (шамамен 74,5 келі) өтеді, бұл орта дивизион лимитінен төрт фунт артық. Қарсылас әзірге белгісіз.
Дереккөз: Vesti.kz
