Сара Алпысқызы 1941 жылы 12 ақпанда Қарағанды облысы Бұқар жырау ауданына қарасты Қызылжар ауылында дүниеге келген. 1962 жылы оқуын тәмамдаған соң, Нұрсұлтан Назарбаевқа тұрмысқа шығады.
Қазақстан президентінің жұбайы Дариға, Динара және Әлия есімді үш қыз тәрбиелеп өсірді.
1992 жылы Сара Назарбаева «Бөбек» қайырымдылық қорын ашты. Ондағы мақсаты – жетім балаларға қамқорлық көрсету. Бірінші ханымның бұл саладағы еңбегіне халықаралық ұйымдар жоғары баға берді. Ол әлемдік денсаулық сақтау ұйымының халықаралық Исхан Дограмачи премиясына, әрі БҰҰ балалар қорынының медаліне ие болды.
Сара Алпысқызының туған күніне орай мектептердегі оқу күні «Жүрек тіліндегі физика», «Адамгершілік грамматикасы» сияқты тақырыптарды үйренумен бастайды. Мұнда оқушылар түрлі әлеуметтік рөлдерді, өмірлік стратегияларды меңгеріп, отбасы құндылықтарын бағалауды үйренеді.
Айта кетейік, ҚР Білім және ғылым министрлігі Сара Алпысқызының туған күнінде елдегі барлық білім беру мекемелерінде оқу күні «Өзін-өзі тану» сабағы өтетінін хабарлаған болатын.
Дереккөз: baribar.kz
