Жамбылдық спортшылар Кроссфит бойынша Супер Кубок жүлдегерлері атанды

Жамбыл облысында ҚР Тәуелсіздігінің 27 жылдығына орай клубтардың құрама командалары, спорт мектептері, мемлекеттік мекемелердің, күш және құқық қорғау құрылымдары арасында Кроссфит бойынша Супер Кубок жарысы өткізілді. Бұл туралы «ZhambylNews» Ақпараттық Агенттігі облыстық ТЖД баспасөз қызметіне сілтеме жасап хабарлайды.

Шараның мақсаты спортты және салауатты өмір салтын кеңінен насихаттау мен дамыту, спортшылардың кәсіби шеберлігін арттыру.

Аталған сайысқа облыстық ТЖД Өрт сөндіру қызметі өрт құтқару спортының құрама командасы  қатысты.

Жарыс барысында қатысушылар 2 кезең бойынша сайысқа түсті:

I-кезең

1.Зілтемірдің құймақтарын қашықтыққа тасу -30 метр

2. Зілтемір арқылы бурпи + серпін-15 рет

3. Платформаға дейін зілтемірмен тұтас отыру -20 рет

II-кезең

1.Медболмен дуал-15 рет

2.Бітімге тарту-10 рет

3.Құрғақ есу

Сайыстың нәтижесі бойынша облыстық ТЖД Өрт сөндіру қызметі өрт құтқару спортының құрама командасы 2-ші жүлделі орынға ие болып, медальдармен, кубоктармен, мадақтамалармен марапатталды.