Таразда, Қазақстан Әуе қорғанысы күштерінің Ұшқышсыз ұшу аппараттарын даярлау және ұрыс қолдану оқу орталығында әскери қызметшілердің бірнеше буынының ерекше кездесуі өтті. Әскери бөлімге бір кездері бөлімшенің құрылуына негіз салған 90 жастағы запасқа шыққан офицер келді. Қонақты құрметпен қарсы алып, бөлім аралауды ұйымдастырды.
Запасқа шыққан подполковник Елисей Чесуевич Тян биыл желтоқсанда 91 жасқа толады. Алайда жылдар оған билік жүргізе алмайды: ол сергек, қуатты және ширақ. Таразға кезекті сапарында ол әуеайлақ маңына өзі бұрын қызмет еткен туған бөлімінде болу үмітімен келді. Арманы орындалды.
Ардагерді тек оқу орталығының әскери қызметшілері емес, болашақ офицерлер – Әуе қорғанысы күштерінің Әскери институтының курсанттары да қарсы алды. Жас әріптестерінің қоршауында ардагер өзін жас сезінді.
– Маған қазір 90 жас, бірақ сендермен бірге өзімді 90 жаста емес, шамамен 20 жастамын, сендер сияқтымын, – деп ағынан жарылды запасқа шыққан подполковник Елисей Тян.
Көп жылдар бұрын Елисей Чесуевич серіктестерімен бірге Жамбылда тікұшақ полкін құрумен айналысқан еді, оның жалғасы қазіргі Қазақстан Әуе қорғанысы күштерінің Ұшқышсыз ұшу аппараттарын даярлау және ұрыс қолдану оқу орталығы болды. Әскери бөлімде әскери қызметшілердің буыны ғана емес, ұрыстық міндеттер де ауысқанына қарамастан, бөлім тарихын мұқият сақтайды. Тікұшақ полкінің ардагерінің келуі оқу орталығының жаңа тарихының бір бөлігі болды.
– Біздің бөлім үшін Қарулы күштер ардагерлерінің келіп, жеке құраммен қарым-қатынас жасауы өте маңызды, себебі бұл адамдар тарихи формулярда жазылмаған, газет пен журналдарда басылмаған нәрселерді айта алады, – деп бөлісті оқу орталығы командирінің тәрбие және идеологиялық жұмыс жөніндегі орынбасары подполковник Әлімжан Қуантаев.
90 жастағы запасқа шыққан офицердің бөлімге келуі өткенді, бүгінді және болашақты біріктіргендей болды. Болашақ офицерлер, қызметтік және бұрынғы әскерилер – ортақ идеялармен біріккен бір әскери ұжымға айналды. Ал армияда бұрынғы офицерлер болмайды дейді. Демек, Елисей Чесуевич Тян – әскери бауырластықтың толық құқықты мүшесі. Оның дәлелі – ардагерге сыйға тартылған әскери нысан, ол бұрынғыдай сапта тұрғанының белгісі. Үлкендерге құрмет пен сый – ұрыс дәстүрлерінің негізі.
