Елорда әкімдігінің ғимаратының маңдайшасындағы жазба ауыстырылды, — деп хабарлайды «ZhambylNews» AA Tengrinews.kz-ке сілтеме жасап.
Елордалық әкімдік ғимаратының кіреберісіндегі жазбалар өзгерді, енді мұнда «Nur-Sultan qalasynyń ákimdigi» және «Акимат города Нұр-Сұлтан» деп жазылған.
Естеріңізге салсақ, 23 наурызда Президент Қасым-Жомарт Тоқаев Астананың атауын Нұр-Сұлтан деп ауыстыру туралы жарлыққа қол қойған болатын.
Бұған дейін қала әкімі Бақыт Сұлтанов елорда тұрғындары астаналықтар болып қалатынын айтқан еді. Оның сөзінше, қаланың маңызды нысандары — «Астана Опера», «Астана-Арена», спорт клубтары мен басқа да ғимараттардың атауы өзгермейді.
