Жамбылда «Халық қаһарманы» Ғазиз Байтасовты еске алуға арналған турнир өтті
Жамбыл облысының Байзақ ауданы Түймекент ауылындағы Ғазиз Байтасов атындағы орта мектепте «Халық қаһарманы» Ғ.Байтасовты еске алуға арналған жасөспірімдер арасында волейболдан облыстық ашық турнир өткізілді, — деп хабарлайды «ZhambylNews» АА облыстық ПД баспасөз қызметіне сілтеме жасап.
Турнирді Байзақ ауданы әкімінің бірінші орынбасары Д.Р.Даулетов құттықтау сөзбен ашты. Келесі кезекте сөз алған Байзақ ауданының полиция бөлімі бастығының кадр саясаты жөніндегі орынбасары полиция майоры Ғалымжан Уразбеков барлық қатысушыларды құттықтап, сәттілік тіледі.
Жарысқа барлығы 14 команда қатысты. Тартысты өткен сайыста бірінші орынды Тараз қаласының құрама командасы жеңіп алды.
Командаларға аудандық полиция бөлімі, спорт бөлімі және қамқоршы демеушілер тарапынан бағалы спорттық сыйлықтар табысталып, жеңімпаз командаға ауыспалы кубок тапсырылды.
