Облыс әкімі Асқар Мырзахметов Айша бибі ауылының тұрғындарымен кездесті

Облыс әкімі Жамбыл ауданындағы жұмыс сапары барысында Айша бибі ауылдық округінің тұрғындарымен кездесу өткізді, — деп хабарлайды «ZhambylNews» AA облыс әкімінің баспасөз қызметіне сілтеме жасап.

Аудандағы қоғамдық, ардагерлер кеңесінің мүшелері, зиялы қауым өкілдері, ауыл тұрғындары және көпбалалы аналар қатысқан басқосуда мемлекет тарапынан тұрғындардың әл-ауқатын өсіру, табыс пен тұрмыс сапасын арттыру бағытындағы жұмыстар талқыланды.

Кездесуде облыс әкімдігінің тиісті басқарма басшылары аудандағы білім беру, денсаулық сақтау, елді мекендерді газдандыру, ауыз сумен қамтамасыз ету бағытындағы жұмыстар жайын баяндады. Сондай-ақ, әлеуметтік аз қамтылған отбасылар мен көпбалалы аналарға қолдау көрсету шаралары жайлы мәлімет берді.

Бұдан бөлек, «Ауыл – ел бесігі» жобасы аясында жүргізілетін жұмыстар жайы талқыланып, аймақ басшысы тұрғындардың сауалдарына жауап берді.