2026 жылдың 24 ақпанында Достық үйінде ҚР жаңа Конституциясының жобасын ілгерілету бойынша Жамбыл облысы өңірлік ҚХА журналистер клубының отырысы өтті.
Кездесу барысында күн тәртібіндегі алдағы дауыс берудің елдің одан әрі саяси дамуы, ұсынылып отырған конституциялық реформалардың негізгі ережелері, сондай-ақ бұқаралық ақпарат құралдарының объективті қоғамдық пікірді қалыптастырудағы рөлі сияқты бірқатар маңызды қоғамдық мәселелер көтерілді.
Елдің дамуы мен оның одан әрі мемлекеттілігін нығайту үшін іргетас болуға арналған құжаттың стратегиялық маңыздылығына ерекше назар аударылды.
Жиында клуб мүшелері жаңа Конституция құқықтық мемлекет қағидаттарын нығайтуға, адам құқығы мен бостандығын қорғауға, сондай-ақ, орнықты әлеуметтік-экономикалық өркендеуге жағдай жасауға бағытталғанын бірауыздан атап өтті.
Талқылау барысында конституциялық реформа үрдісінде азаматтық қоғамның рөліне қатысты мәселелер де қозғалды. Референдумның сәттілігі елдің әр тұрғынының белсенді ұстанымына, оның саналы таңдауына және осындай маңызды шешім қабылдау кезінде оған жүктелген жауапкершілікті түсінуіне байланысты екендігі атап өтілді.
Қатысушылар фактілерді берудің дәлдігі, фейктерге қарсы тұру және азаматтардың құқықтық сауаттылығын арттыру үшін журналистік қоғамдастықтың жауапкершілігіне ерекше назар аударды.
