Әз-Наурыз мерекесіне арналған шаралардың легі Жамбыл облыстық филармониясының алдында жалғасты. Өнерпаздар әуелете ән салып, күй күмбірлеп, наурыз думанның көрігін қыздырды, — деп жазады “ZhambylNews” ақпарат агенттігі.
Кенен Әзірбаев атындағы Жамбыл облыстық филармониясының ұйымдастырған шарасына облыс басшысы, зиялы қауым өкілдері мен жамбылдық өнерпаздар қатысты.
Салт-дәстүрден театрландырылған көрініс қойылып, «Наурыз – думан» атты мерекелік концерт жұртшылықтың назарына ұсынылды.
Қазыналы қарттар жас ұрпаққа Наурыз мерекесінің мәні мен маңызы туралы әңгімелеп, ақжарма тілектерін арнады.
