14 наурызда президент Қасым-Жомарт Тоқаевтың «Елден алтын мен шетел валютасын әкетуге тыйым салу туралы» жарлығы күшіне енді. Бүгіннен бастап жарлық бойынша 10 000 (он мың) АҚШ доллары баламасынан асатын шетел валютасы мен шетел валютасындағы ақша құралдарын елден әкетуге болмайды.
Сондай-ақ, 100 грамнан жоғары тазартылған алтынды, 5, 10, 20, 50 және 100 граммдық тазартылған алтын құймаларын және «Алтын барыс» алтыны мен «Күміс барыс» күмісінен жасалған құйма монеталарды шекарадан шығаруға тыйым салынады.
