Жамбыл облысында прокурорлар инвестордың артық төлеген 1,9 млрд теңгесін қайтаруға ықпал етті

Облыста рокурорлық ықпал ету шаралары арқылы облыстағы ірі инвестор «Казфосфат» ЖШС-не табиғатқа эмиссия салығының артық төленген сомасын қайтаруға көмек көрсетілді.

Прокуратура  баспасөз қызметінің хабарлауынша, қауіпті және қауіпті емес қалдықтарды көму үшін жергілікті атқарушы органдар тарифтік мөлшерлемені бекіткен. 

Тараз қаласында мөлшерлеме бекітілмей, серіктестіктен 2022 жылдың 1 қаңтары мен 2023 жылдың 9 ақпаны аралығында төлемдер тұрақты түрде алынып отырған.

Төлемдер нормадан асып, кәсіпорын 1,9 млрд теңгені артық төлеген.

Мемлекеттік кірістер басқармасы инвесторға салықтың тиісті түрі бойынша алдыңғы төлемдерге артық төленген соманы қайтарудан және есепке алудан негізсіз және бірнеше рет бас тартқан.

Енгізілген прокурорлық ден қою актісі инвестордың болашақ төлемдеріне артық төленген 1,9 млрд теңге сомасы есепке алынып, кінәлі лауазымды тұлға тәртіптік жауапкершілікке тартылды.

Облыста эмиссиясы үшін 3 млрд теңгеден астам соманы екі есеге артық төлеген 45 кәсіпкер анықталды.Осы фактілердің барлығы бойынша прокурорлық қадағалау актілері енгізілді.