Ресей Қазақстанға қатынайтын бірнеше пойызды тоқтатып тастады

0
709

Жолаушылар қатарының сиреп кетуіне байланысты Ресей ТМД-ның бірқатар еліне жүретін пойыздарын тоқтатып тастады. Оның ішінде Қазақстан да бар, –  деп хабарлайды “ZhambylNews” Ақпараттық Агенттігі КТК телеарнасына сілтеме жасап.

Осы айдың 13-нен бастап «Новосібір-Алматы», ал 14-інен бастап «Новокузнецк-Қарағанды» бағытындағы ресейлік пойыздар біздің елге қатынауын тоқтатады

Ресей алдымен Украинаға қарай жүретін пойыздарын тоқтатуы мүмкін деген ақпарат сонау көктемде шыққан болатын. Сол әңгіме бүгін шындыққа  айналды. Екі ел арасындағы саяси шиеленіске байланысты жолаушылар қатынасы тоқтап қалды.

Енді осындай шектеу Украинамен қатар, Әзірбайжан, Тәжікстан және Қазақстанды да қамтып отыр. Бұған себеп, ресейлік пойыздар арқылы елімізге келетін жолаушылардың қатары 30 пайызға азайып кеткен.

Дегенмен, бұл қатынас мүлде үзілді деген сөз емес. Екі ел арасын байланыстыратын 16 бағыттың алтауы Ресейге тиесілі. Соның тек екеуі ғана жүрісін тоқтатады. Оның үстіне, сұраныс артып жатса, үзілген бағыттар қайта жандануы мүмкін. Ал, қалған бағыт бойынша қатынайтын отандық пойыздар сол күйі қызметін жалғастыра бермек.

Жауап калдыру

Please enter your comment!
Please enter your name here