Алматы қалалық жолаушыларды тасымалдаушылар қауымдастығы облыс әкімдігіне тарифті көтеру туралы ұсынысты жеткізген. Дереккөз: Baq.kz
Алты жылдың ішінде жанармайдың бағасы 80, газ 112 пайызға дейін өсті. Бұған автобусты жөндеу секілді қызмет құнын қосыңыз. Автопарктер қазір шығынға батып отыр. Қауымдастықтың айтуынша, билетті 80 теңгеден 150 теңгеге дейін көтеру тығырықтан шығудың бір жолы болмақ немесе қала әкімдігі қосымша субсидия бөлуін сұрап отыр.
Алматы тасымалдаушылар қауымдастығының президенті Сәбит Аманбаевтың айтуынша, мемлекет тарапынан субсидия бөлінсе, бұл сұрақ өз шешімін таппақ.
“Тариф комиссиясы тексерген кезде Нарық көлемінің 21 млрд теңге екенін анықтаған. Ал, қызметті қамтамасыз ету үшін толық 39 млрд теңге қажет. мемлекет тарапынан 18 млрд субсидия бөлінсе, бұл қызмет толығымен қамтамасыз етіледі” – дейді Алматы тасымалдаушылар қауымдастығының президенті Сәбит Аманбаев.
Дереккөз: baribar.kz