Еліміздегі ең ұзын су бұрқақ Таразда болады, — деп хабарлайды «ZhambylNews» Ақпараттық Агенттігі.
Қала күні қарсаңында Таразда «Желтоқсан толқыны» аллеясы пайдалануға беріледі. Аталған аллеяның ең басты жаңалығы – жалпы ұзындығы 220 метр субұрқақ болмақ.
Жоба құны 240 миллион теңгені құрайтын демалыс орнындағы ІТ орындықтардан ұялы телефоныңызды қуаттап алуға болады. Сондай-ақ аллеяда 120 павловния ағашы мен бүркіт, пырақ, барыс сынды аң-құстардың мүсіндері қойылады.
