Еліміздің атауы латын қаріптерімен QAZAQSTAN деп жазылған. Бұл өзгерістер 2018 жылдың 1 қарашасында «Қазақстан Республикасының мемлекеттік рәміздері туралы» заңына сәйкес күшіне енді. Бұл туралы «ZhambylNews» Ақпараттық Агенттігі Baq.kz-ке сілтеме жасап хабарлайды.
Естеріңізге сала кетейік, 2018 жылдың 12 қыркүйегінде Ғылыми техникалық комиссияның отырысы өтіп, мемлекеттік Елтаңбаға өзгерістер енгізу туралы шешім қабылдаған болатын.
Елтаңбадағы «Қазақстан» сөзі латын қарпінде «QAZAQSTAN» болып өзгертілді. Бұл Елтаңбаға енгізілген алғашқы өзгеріс емес. Бұдан бұрын 2017 жылы пантон түсі халықаралық Lab түс гаммасына ауыстырылған еді.
Өзгерістер Мемлекет басшысы Нұрсұлтан Назарбаевтың «Қазақ әліпбиін кириллицадан латын қаріпіне көшіру туралы» Жарлығына сәйкес жасақталды.
Еліміздің Елтаңбасы бәрімізге белгілі, 1992 жылы қабылданды. Авторлары – Жандарбек Мәлібеков, Шот-Аман Уәлиханов.
