Қарбыздың отаны Оңтүстік Африка саналады. Оның ежелгі әрі жабайы түрі – колоцинт Оңтүстік Африкада әлі күнге дейін кездеседі.
Біз оны қазір десертке тұтынатын болсақ, Ежелгі Мысырда қарбызды тағам ретінде қолданған. Шілде айында басталатын қарбыз маусымы тамыздың аяғына дейін жалғасады. Дегенмен, маусымда да сауда орталықтарынан қарбызды кездестіруге болады. Олардың ешқандай ГМА өнімінсіз піскеніне сенбейтін халық, қарбыздың маусымын күтумен болады.
Қарбыздың піскенін әрі дәмді екенін анықтауға көмектесетін инфографика нұсқаулықты өзіңізге сақтап алыңыз:
Қарбыздың құрамында не бар? Қарбыздың жұмсақ «етінде» 5,5-тен 13% дейін жеңіл сіңетін қант түрлері (глюкоза, фруктоза, сахароза) бар. Глюкоза мен фруктоза піскен кезінде кездессе, сахароза ұзақ уақыт сақталып тұрған қарбыздарда көбірек болады.Одан бөлек, пектиндер — 0,68 %, нәруыз — 0,7 %; кальций — 14 мг/%, магний — 224 мг/%, натрий — 16 мг/%, калий — 64 мг/%, фосфор — 7 мг/%, темір болса небәрі 1 мг/% кездеседі. Дәрумендер саналатын тиамин, рибофлавин, ниацин, фолий қышқылы, каротин — 0,1—0,7 мг/%, аскорбин қышқылы — 0,7—20 мг/%. 100 грамм өнімде 38 килокалорий болады.
Дереккөз: massaget.kz
