Халық Қаһарманы Ғазиз Байтасовтың жұбайы полиция қызметкерлеріне алғыс айтты
Алғыс айту күні Гүлжамал Тәжиева қазақстандық полицейлердің атына бейнеүндеу жолдады.
Ол полиция қызметкерлерінің қиын да, қауіпті жұмыстары өзінің отбасына жақсы таныс екенін айтып, азаматтардың тыныштығын қорғап жүргені үшін өз алғысын білдірді.
Сондай-ақ, қандай жағдай болмасын полиция қызметкерлерінің алдыңғы шепте болатынын, күн-түн демей, жеке уақытпен санаспай ел игілігіне қызмет ететінін атап өтті.
Гүлжамал Тәжиева барлық полиция қызметкерлеріне денсаулық, отбасыларына береке және қызметтен үйлеріне әрқашан аман оралуларына тілекші екенін жеткізді.
