Бүгін облыс орталығында 1 мамыр — “Қазақстан халықтарының бірлігі күні” мерекесіне орай қала тұрғындары арасында «Бірлік жарысы» марафоны өткізілді.
Спорттық шараға облыстық жастардан құралған әуесқой спортшылар және қала тұрғындары қатысты. Орталық алаңнан бастау алған марафонда қатысушылар Төле би даңғылын бойлай 2,4 шақырым қашықтықты бағындырды.
Бұқаралық спортты дамытуды көздеген сайыста қатысушылар жас ерекшелігіне орай 7 жүгіріс айналымы бойынша сынға түсті.
