29 сәуір күні Жамбыл облысында екі жаңа COVID-2019 оқиғасы тіркелді , — деп хабарлайды «ZhambylNews» АА облыс әкімінің баспасөз қызметіне сілтеме жасап.
⠀
Науқастардың бірі 1963 жылы туылған Қордай ауданының тұрғыны болып табылады, ол 28 сәуір күні КВИ белгілерімен ауруханаға жатқызылған. Алынған зертханалық талдаулар оң нәтиже көрсеткен.
⠀
1981 жылы туылған екінші науқас Тараз қаласында анықталған. 28 сәуірде ол медициналық мекемеге дене қызуының жоғарылауына қатысты шағымданған. ПТР-ға алынған материалдар оң нәтиже көрсетті.
⠀
Екі жағдай бойынша барлығы 11 байланыста болған тұлға анықталған, оларды карантиндік стационарға оқшаулау, талдаулар алу бойынша жұмыстар жүргізілуде. Ошақтарда індетке қарсы қажетті өңдеу шаралары атқарылды.
⠀
Жалпы 29 сәуірдегі жағдай бойынша Жамбыл облысы аумағында коронавирустық инфекцияның 113 жағдайы тіркелген, оның ішінде Тараз қаласында – 53, Байзақ ауданында – 4, Жамбыл ауданында – 4, Қордай ауданында – 35, Меркі ауданында – 3, Мойынқұм және Шу аудандарында – біреуден. Сондай-ақ, Дели — Тараз рейсі жолаушылары арасынан алты оқиға, Теңіз вахталық кентінен келген қызметкерлерден алты оқиға анықталған.
⠀
Барлық дерт жұқтырғандардың 43-і емделіп, дәрігерлердің бақылауындағы үй карантиніне шығарылды.
