Суға кеткендер Жамбыл және Шу аудандарының тұрғындары болған, — деп хабарлайды «Zhambylnews» AA ТЖД сілтеме жасап.
10 маусымда сағат 20:15 шамасында Шу ауданына қарасты Төле би ауылының 1958 жылғы тұрғыны белгісіз себептермен (киіммен болған) суға батып кеткен. Оның мәйіті аудандық ІІБ-нің қызметкерлері судан шығарған.
Сонымен қатар, 11 маусымда таңғы сағат 05:40 Жамбыл ауданына қарасты Шоқай ауылындағы «Шохай-Каскад» балық шаруашылық жасанды сутоғанына 1998 жылы туған азамат шомылу кезінде суға батып кеткен. Мәйіті «ЖҚЖ» ММ-нің 3 қызметкері мен 1 техниканың күшімен сағат 09:40-та судан шығарылған.
Тағы, «Алматы-Ташкент» тас жолының 478 шақырымында жол апаты болып, нәтижесінде оқиға орнында 2 адамға медициналық көмек көрсетілген.
«Алматы-Ташкент» тас жолының 489 шақырымындағы жол апатының кесірінен, екі адам зардап шегіп, Құлан ауылдық АОА-на жатқызылған.
ТЖД бөлімшелері – 10 рет жедел шығып, оның ішінде жану оқиғасы – 8, авариялық-құтқару жұмысы – 1, іздестіру жұмыстары – 1 рет болған.
