Айгүл Шайымова Тараздағы дарынды балаларға арналған ІТ лицей-интернатының жұмысымен танысты
Бүгін ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төраға орынбасары Айгүл Шайымова Тараздағы дарынды балаларға арналған ІТ-лицей-интернатының жұмысымен танысты, — деп хабарлайды «ZhambylNews» АА.
-Бұл жоба «Сандық Қазақстан » бағдарламасы аясында іске қосылды. Лицей заманауи және озық технологиямен жабдықталған. Бүгінгі күні алты сынып, 12 кабинет бар, екі компьютерлік бөлме, кітапхана, LMK, STEM зертханасы, веб-программалау бөлмелері, робототехника және медициналық кешен бар. Бұған қоса, спорт және мәжіліс залдары, асхана бар, — дейді облыстық білім басқармасының бастығы Рахия Тұрмаханбетова.
Сондай ақ, IT-интернатта оқыту үш тілде жүргізіледі. Қазіргі таңда 120 бала оқытылады. Олардың 60-сы 7 сынып болса, 60 оқушы 8 сыныпта оқиды.
Айта кету керек, «Сандық Қазақстан» мемлекеттік бағдарламасы Жамбыл облысында белсенді іске асырылуда. Аймақта Коворкинг орталықтары мен IT-сыныптары ашу жұмыстары қарқынды жүргізілуде.
