Өскемен қаласында салмағы 5 келіден асқан ұл бала дүниеге келді.
Алып баланың кіндігі қаладағы Ана мен бала орталығында кесілді. Анасы Айнұр Аңғыбаеваны жүктіліктің барлық кезеңінде әйелдер консультациясы мен босандыру бөлімшесінің мамандары бақылап отырған.
Шақалақтың салмағы — 5035. Бұл сирек кездесетін жағдай. Баланың дені сау. Анасы кесарь тілігі арқылы босанды.
— Айнұрдың бұл екінші баласы. Тұңғышын 2022 жылы туған. Ол да алып бала болды. Салмағы — 5058 келі. Осындай нәрестені босандыру — бұл әрдайым дәрігерлер тарапынан жоғары бақылау мен кәсібилікті талап етеді. Бұл жағдайда ақ халаттылардың үйлесімді жұмысының және ананың зор рухының арқасында бәрі ойдағыдай өтті, — дейді босандыру бөлімінің меңгерушісі Салтанат Серікқанқызы.
Қазір ана мен баланың жағдай жақсы.
— Барлық медицина қызметкерлеріне үлкен алғысымды білдіргім келеді. Дені сау батыр дүниеге келді. Қуанышымда шек жоқ!, — дейді Айнұр Аңғыбаева.
Еске салсақ, бұған дейін Тарбағатайда алып қыз бала дүниеге келген болатын.
