Таңғы сағат 5-те тұру қаншалық пайдалы? Сарапшылар бұл трендті кімдер ұстанбауы керек екенін айтты, — деп хабарлайды Massaget.kz тілшісі HuffPost басылымына сілтеме жасап.
Психологтар мен сарапшылар әр адамға таңғы уақытта ерте тұрудың пайдасы әртүрлі екенін айтады. Кішкентай баласы барлар немесе түнімен жұмыс істейтіндер үшін мұндай әдет қиын болуы мүмкін. Сонымен қатар, таңғы 5-те тұру денсаулыққа кері әсерін тигізуі де мүмкін. Егер ұйқыдан уақыт үнемдеуге тырыссаңыз, оның орнына денсаулықты құртып, күйзеліске шалдығуыңыз мүмкін.
Психологтар бұл әр адамның жеке жағдайына байланысты екенін айтты. Психолог әрі «Проблема выгорания» кітабының авторы Майкл Лейтердің айтуынша, орташа жағдайда адамның күні жұмыс, демалыс және ұйқыға бөлінеді.
«Өзіңізге жағымды нәрсе жасау үшін немесе жақсы көретін адамдармен бірге болу үшін ерте тұрсаңыз, физикалық және психологиялық қалпына келу сәтін жоғалтасыз», — дейді Лейтер.
Тағы бір сарапшы Джеймс Маас ұйықтайтын уақыт кемінде 7 сағат болуы керек екенін айтты. Сонымен қатар, ұйқы графигін тұрақтау маңызды. Дегенмен күніне бір рет қысқа үзіліс жасап, денені демалту да пайдалы.
Ал егер таңғы 5-те тұруды әдетке айналдырғыңыз келсе, бұл жай ғана уақыттың мәселесі емес, дұрыс ұйымдасқан ұйқы мен саналы өмір салтын сақтау маңызды екенін ескерген жөн.
