Мамыр айы жақындаған сайын табиғат аясында демалуды жоспарлайтандардың саны арта түседі. Бірі тауға барса, енді бір жағажайда демалғанды жөн санайды. Дегенмен, барлығын бір ғана сұрақ мазалайды: бұндай демалыс орындарына өзіммен бірге не алсам болады?
1. Тамақ:
Тағамды талғамыңызға қарай таңдайтыныңыз анық. Дегенмен, тез бұзылатын тағам түрлерін пайдаланбағаныңыз абзал. Оның ішінде майонез қосылған салат, сүт өнімдері, паштет немесе бәліштер жатады.
• Су мен шырын түрлері: газды сусындар, шырын болуы мүмкін. Бір күн бұрын, тоңазытқышқа салып, қатырып алсаңыз тіпті жақсы. Өзінің балғын дәмін ұзақ сақтайды. Термосқа ыстық шай немесе кофе құйып алсаңыз артық етпейді.
• Көкөністер мен жемістер: бұлардың артық пайдалы әрі ұзаққа шыдамды тағам табылмасы анық.
• Шұжық, ірімшік: барған бойда нанға қосып жеп алмасаңыз, күн ыстықта бұзылып кетуі әбен мүмкін. Үйден бутербродтар дайындап шыққан әлдеқайда тиімді болмақ
. 2. Қосымша тұрмыстық заттар:
• Жәндіктерден және күн көзінен қорғайтын жақпаймайлар артық етпейді.
• Пышақ. Тамақтану кезінде артық қиындық тумауы үшін пышақ таптырмас көмекші екенін ұмытпаған жөн.
• Ыдыс, соның ішінде пластик ыдыстарды қолданғаныңыз абзал.
• Мангал. Егер кәуәп пісіру жоспарыңызда болса, мангалды ұмытпаңыз.
• Сіріңке, әжетхана қағазы мен сүлгілер (қағаз).
• Жеңіл төсек пен жамылғылар. Әрине, соңында қоқыс салатын арнайы қапты тексеріп қойыңыз.
Демалыстан соң, айналаны жинап кету ең алдымен өзіңізге деген құрмет екенінін естен шығамағайсыз.
Дереккөз: massaget.kz
